ZBATIMI I SHËRBIMEVE SHËNDETËSORE MIKE PËR ADOLESHENTË

Përfaqësues nga DSHMS, DKA dhe QKMF të Komunës së Prishtinës morën pjesë në takimin përmbyllës të një pune tremujore në zhvillimin dhe zbatimin e shërbimeve shëndetësore mike për adoleshent në tri pilot komuna : Prishtinë, Fushë Kosovë dhe Obiliq , të mbështetur nga zyrat e OBSH-së dhe UNFPA-së me fondet e projektit të financuar nga Qeveria e Luksemburgut .

Gjatë fazës së parë të këtijë projekti në kurset aftësuese për ofrimin e këtyre shërbmimeve shëndetësore nga komuna e Prishtinës morën pjesë gjithësej 36 punëtorë shëndetësorë , ndërsa pilot qendra për vlerësimin e ofrimit të këtyre shërbimeve shëndetësore ishin QMF 4, QMF 7, QMF 10 dhe QMF Besi . Në takim u prezantuan mësimet e nxjerra nga kurset aftësuese në programin orientues në shëndetin e adoleshentëve për punëtorë shëndetësorë si dhe gjetjet e vlerësimit të 20 karakteristikave të shërbimeve shëndetësore mike për adoleshent në gjashtë institucione të KPSH në këto tri komuna . Gjatë takimit u propozuan dhe u diskutuan veprime të nevojshme që duhet ndërmarrë në të ardhmen për zbatimin e plotë të këtyre shërbimeve në KPSH .

Në lidhje me rekomandimet, përfundimet dhe zotimet e këtij takimi është planifikuar që me një punë të përbashkët, të kordinuar dhe të përkrahur nga DSHMS dhe DKA qysh në fillim të vitit të 2015 të planifikohen dhe ndërrmirren veprimet e përbashkëta në zbatimin e shërbimeve shëndetësore mike për adoleshentë në komunën e Prishtinës .