Nëse keni nevojë për shërbime mjekësore duhet t’i drejtoheni Qendrës më të afërt Mjekësisë Familjare e cila mbulon lagjen tuaj. Është shumë e rëndësishme që ju të keni mjekun familjar të përhershëm i cili do të përcjell gjendjën tuaj shëndetësore dhe të familjes tuaj përmes kartelës shëndetësore.
Mjekun familjar duhet ta vizitoni jo vetëm kur ndjeni simptome të sëmundjës. Vizitat preventive janë shumë të rëndësishme për zbulimin e hershëm të sëmundjeve dhe mjekimin e tyre.
Pyetjet e Shpeshta
Pacientë kalimtar konsiderohen pacientët të cilët kërkojnë shërbime shëndetësore në qendrën e cila nuk e mbulon lagjen në të cilën pacienti jeton.
Pacientët kalimtare duhet të kërkojnë ndihmë në Qendrat e Mjekësisë Familjare vetëm në raste urgjente. Trajtimin e mëtutjeshëm mjekësor duhet ta marrin në qendrat ku e kanë mjekun familjar të përhershëm.
Mjeku familjar i përhershëm në vizitat e para do të hap kartelën shëndetesore me te gjitha te dhënat për ju. Kjo shërben për përcjelljen në vazhdimësi të gjendjes suaj shëndetësore.
Me hapjen e kartelës shëndetesore ju pajiseni edhe me një karton të vogël me të dhënat e juaja dhe numrin e kartelës shëndetësore. Çdo herë që vizitoni mjekun familjar duhet të keni me vete kartelën e vogël. Në mungesë të sajë është i domosdoshem dokumenti identifikues.
Fëmijët deri në moshën parashkollore i vaksinoni në Qendrat më të afërta, fëmijët e moshës shkollore vaksinohen në mënyrë të organizuar në përputhshmëri me kalendarin e vaksinimit dhe organizohen nga Shërbimi i vaksinimit të QKMF.
Ju duhet ti drejtoheni kujdestarisë së natës vetëm për raste akute, kur gjendja e juaj shëndetësore nuk lejon pritje që ju ta vizitoni mjekun e juaj familjar. Mjekimin e mëtutjeshëm duhet ta merni në qendrat më të afërta shëndetësore tek mjeku familjar i përhershëm.
Stomatologu në ndërrimin e natës duhet të vizitohet vetëm në raste urgjente me qëllim të ndaljës së dhembjes. Trajtimin e mëtutjeshem e bëni tek stomatologu në qendrën më të afërt.