SHËNDETI SEKSUAL DHE RIPRODHUES

Me datë 20 dhjetor 2023 në ambietet e QKMF Prishtinë, në kuadër të Zhvillimit të Vazhdueshëm Profesional, Dr. Zara Miftari, Analiste e Programit për Shëndet Seksual dhe Riprodhues (SHSR) në UNFPA (Fondi për Popullsi i Kombeve të Bashkuara) mbajti ligjëratën “Shëndeti Seksual dhe Riprodhues(ShSR) në raste të emergjencave”. Morën pjesë gjithësejt 49 profesionistë shëndetësorë: specialistë të mjekësisë familjare dhe të lëmive të tjera. Qëllimi i ligjëratës ishte që pjesëmarrësit të kuptojnë se pse është e rëndësishme të trajtohet shëndeti seksual dhe riprodhues në raste emergjencash, që të njihen me terminologjinë dhe konceptet kryesore për shëndetin seksual dhe riprodhues në raste emergjencash, ti kuptojnë dhe zbatojnë parimet themelore të ofrimit të shërbimeve të SHSR në raste emergjente si dhe të njoftohen me elementet kryesore të Pakos Minimale të Shërbimeve Bazike për SHSR. Dr. Zara foli për rendësinë që ka përgatitja për raste emergjencash dhe kjo jo vetëm në kuptim të ofrimit të strehimit, sigurise, dhe ushqimit, por edhe të pakos bazike e shërbimeve shëndetësore për ShSR, e cila shpëton jetë . Është e dëshmuar se në raste emergjencash të shkaktuara qoftë nga luftërat apo fatkeqësitë natyrore, si dhe rastet kur ka zhvendosje të populatës, rritet mundësia për dhunë sekuale dhe dhunë në baza gjinore, rriten pasojat e parandalueshme të shtatzënisë së padëshiruar, sic është aborti i pasigurt, rritet sëmundshmëria dhe vdekshmëria maternale dhe e të të porsalindurve, infeskionet seksualisht të transmetueshme dhe HIV, si dhe ka rritje të problemeve të vazhdueshme të shëndetit mendor. Se a ka rëndësi ofrimi i ShSR gjatë emergjencave është bërë një punë në grupe dhe pjesëmarrësit kanë dhënë opinionet e tyre. Të gjithë janë pajtuar se ofrimi i një pakoje minimale është i domosdoshëm. Është biseduar për ofrimin e ndihmës profesionale pa dallim dhe diskriminim, gjë që u ilustrua me rastin prekës të një personi transgjender që përfundon me vetëvrasje për shkak të paragjykimeve. Prezantimi ka qenë shumë nxitës dhe intereaktiv, ashtu që ka pasur kërkesa që në vitin 2024 të zgjerohet në një nivel të workshop, i cili është planifikuar që tani.