Sëmundjet Degjenerative të Boshtit Kurrizor

Me datë 25 tetor 2023 në ambietet e QKMF Prishtinë, në kuadër të Zhvillimit të Vazhdueshëm Profesional, u mbajt ligjërata‘Sëmundjet Degjenerative të Boshtit Kurrizor’, nga Dr. Armend Agolli, kirurg spinal. Morrën pjesë gjithësejt 55 profesionistë shëndetësorë, specialistë të mjekësisë familjare dhe të lëmive të tjera. Dr. Agolli prezantoi problemet e ndryshme të bushtit kurrizor dhe mënyrat se si të menaxhoheshin ato. Me theks të veçantë u ndal në terapinë parenterale: Diclofenac, Dexamethason, Diazepam dhe pasojat negative që kanë në shëndetin e pacientëve. Duke dekurajaur këtë lloj trajtimi, Dr. Agolli rekomandoi kombinimet e terapisë orale, si një trajtim më racional dhe më pak i dëmshëm për pacientin. Ligjërata u ndoq me vëmendje dhe pati pyetje të shumta, sidomos për detajet e terapisë orale në menaxhimin e dhimbjes. Dr. Agolli mori përsipër që të kontribojë në përpilimin e skemave të menaxhimit të dhimbjes dhe shpërndarjen e tyre në nivel Kosove. Inisiativa e Dr. Agolli pati përkrahje te të pranishmit, pasi që kjo do t’ua lehtësonte punën e tyre me pacientë, ndërkaq që do të ofrohej një mënyrë më pak invasive për personat që vuajnë nga problemet shëndetësore që shoqërohen me dhimbje të mëdha.