Satisfaksioni i pacientëve në Kujdesin Parësor Shëndetësor

Ligjërata:
Ligjërues: Dr. Arieta Pula, specialist e MF

Me datë 13 dhe 27 mars 2023 në ambietet e QKMF Prishtinë, në kuadër të Zhvillimit të Vazhdueshëm Profesional, “Satisfaksioni i pacientëve në KPSh” hulumtim të cilin Dr. Arieta e ka bërë me rastin e mbrojtjes së titullit të magjistraturës. Në prezantim kanë marrë pjesë gjithësejt 43 profesionistë shëndetësorë: specialistë të mjekësisë familjare dhe të lëmive të tjera. Qëllimi i punimit ka qenë të kuptohet shkalla apo niveli i kënaqshmërisë së pacientëve me shërbimet shëndetësore të ofruaa në KPSH dhe të shihet nëse aspekti financiar dhe komunikimi ndikojnë në kënaqshmërinë e përgjithshme të pacientëve. U prezantuan të gjeturat e këtij hulumtimi të cilat tregojnë se një përqindje e lartë e pacientëve janë të kënaqur me shërbimet e marra në institucionet e Kujdesit Parësor Shëndetësor. Prezantimi zgjoi kërshëri tek audienca dhe pati shumë pyetje për metodën e hulmumtimit, analizën e të dhënave dhe impaktin që do të kishte ky studim në përmirësimin e shërbimeve shëndetësore për pacientët.