Referimet e pacientve në QKUK 2014
Me 23.01.2015 në QKMF - Prishtinë, u mbajtë takim i rregullt pune me kolegjiumin profesional e që temë kryesore ishte prezentimi i raportit lidhur me referimet e pacientëve në QKUK për vitin 2014.
Në këtë takim moren pjesë edhe Drejtori i DKSHMS Dr.Arben Vitia, Drejtori i Qendrës Emergjente të QKUK - D.r. Basri Lenjani, Prof Dr. Mehmedali Azemi nga Klinika Pediatrike
Qëllimi i këtij takimi ishte njohja me numrin e rasteve të referuara nga mjekët e QKMF në Njësitë – Klinikat e QKUK si dhe në Qendrën Emergjente dhe në Emergjencën e Klinikës Pediatrike.
Sipas prezentimit të të dhënave të grumbulluara dhe të përpunuara ,u vërejt që numri i pacientëve të dërguar në QKUK për trajtim ishte 15% (102333) nga numri i përgjithshëm i vizitave mjekësore në QKMF e që ishte 763464 pacient.
Nga numri i përgjithshëm i pacjenteve të referuar në QKUK , 10346 pacient janë referuar në Qendrën Emergjente. Mjekësia Familjare ka referuar 8474 pacient , Shërbimi Pediatrik 1868 dhe Shërbimi Specialistik 27 pacient.
Në prezentimin tonë janë të paraqitura të dhënat sipas QMF, Njësisive si dhe sipas mjekëve që kanë udhëzuar pacientët në QKUK.
Materiali për prezentim u përgatit dhe u referua nga Dr.Teuta Hoxha.
Në kët takim pune për diskutim rreth kësaj problematike u kyqën shumë të pranishëm e po ashtu në diskutim dhanë kontributin e tyre edhe pjesmarësit :
Dr. Arben Vitia i cili në diskutimin e tij vlersoi punën e mjekëve të QKMF dhe u fokusua për cilësinë e referimeve e sidomos në Qendrën Emergjente.
Dr. Basri Lenjani në diskutimin e tij dha një falenderim të vaçant për mjekët e QKMF dhe u përqendrua në problemet që ka Qendra Emergjente si ato organizative, funksionale, paisjeve , mungesë rregulative e posaqarisht diskutoi për numrin e madh të pacientëve që kërkojn ndihmë mjekësore në këtë qendër pa udhëzime nga mjekët.e që ky numër arrin rreth 40% e të gjitha rasteve.
Prof. Dr. Mehmedali Azemi diskutimin e tij e fokusoi në Emergjencën Pediatrike, funkcionimin e saj si dhe vlersoi shumë punën në QKMF dhe rezultatet e prezentuara në këtë takim.
Drejtori i QKMF Dr. Avdullah Hoti diskutimin e tij e fokusoi në angazhimin e gjithë stafit dhe të mjekëve në QKMF që referimet të arrijnë në shkallën e duhur e poashtu u angazhua që në të ardhmën të zbatohen kritere për referime në QKUK.
Referimet e pacientve në QKUK -2014