Raportimi dhe diskutimi i rezultateve nga vizitat monitoruese të standardeve bazike të kujdesit shëndetësor në Qendrat e Mjekësisë Familjare të komunës së Prishtinës

Më 26/Dhjetor/2014 në takimin e Këshillit Profesional  të QKMF dhe Drejtorit të Drejtoratit për Shëndetësi dhe Mirëqenie Sociale Dr Arben Vitia  u bë prezantimi dhe diskutimi i rezultateve të vizitave monitoruese të realizuara nga Komiteti për Sigurimin e  Cilësisë së Shërbimeve Shëndetësore .

Në kuadër  të aktiviteteve  të këtij komiteti  në QKMF bëjnë pjesë edhe vizitat vlerësuese të standardeve të cilësisë së shërbimeve shëndetësore në të gjitha Qendrat e Mjekësisë Familjare . Objektivi  i këtyre vizitave është kontrollimi dhe vlerësimi i nivelit të përmbushjes së standardeve bazike të kujdesit shëndetësor  të përcaktuara nga Ministria e Shëndetësisë .

Qëllimi i vizitave monitoruese nga komiteti për sigurimin e cilësisë së shërbimeve  shëndetësore është  identifikimi i problemeve, mangësive dhe dallimeve në cilësinë e shërbimeve shëndetësore me qëllim të planifikimit, organizimit dhe kryerjes së aktiviteteve për përmirësimin dhe  ngritjen e cilësisë së shërbimeve shëndetësore në të gjitha QMF-të  e komunës së Prishtinës .

Ekipa e përbërë nga Dr. Florie Hyseni  - Kordinatore e  Cilësisë, Dr Merita Brovina Zëvendësdrejtore e QKMF, Dr.Bujar Lila – Kryeshef  i QKMF, dhe Inf. Myrvete Sopi – Kryeinfermiere  e QKMF gjatë periudhës kohore Nëntor – Dhjetor ka vizituar secilën QMF të Komunës Prishtinës . Gjatë këtyre vizitave  kontrollimi dhe vlerësimi standardeve bazike të kujdesit shëndetësor është realizuar me anë të metodës së observimit, mbledhjes së fakteve dhe intervistimit  duke ju referuar listës kontrolluse të standardeve të  cilësisë së shërbimeve shëndetësore .

Për secilën QMF të vizituar është përgatitur një raport i vizitës i cili përfshinë konstatimet dhe rekomandimet e  dala nga vizita dhe do t'i dorëzohet menaxherit të QMF-së dhe menaxhmentit të QKMF-së  . Ndërsa rezultatet e përgjithëshme janë përgatitur, prezantuar dhe  diskutuar me  një raport të përbashkët  në takimin e Këshillit Profesional të QKMF-së dhe Drejtorit të DKSHMS-së .

Shkarko Raportin