RADIOLOGJIA NË MJEKËSINË FAMILJARE

Me 18 dhe 25 maj 2023 në Sallën e Prezantimeve të QKMF Prishtinë është mbajtur ligjërata me titull “Radiologjia në Mjekësinë Familjare” nga Dr. Leon Amidi, radiolog. Pjesëmarrës kanë qenë mjekë familjarë dhe specialist të lëmive të tjera, përfshirë ata nga SHSKUK (Shërbimet Sekondare të Klinikës Universitare të Kosovës). Dr. Leoni ka folur për rendësinë e imazherisë si metodë shtesë në vënien e diagnozës, duke i lënë një hapësirë të pazëvendësueshme marrjes së detajshme të anamnenzës dhe vlerësimit të pamjes klinike të pacientit. Dr. Leoni ka prezantuar imazhe të ndryshme të rëntgenit, CT dhe Rezonancës Magnetike, raste që i ka hasur vetë në praktikën e përditshme, duke u fokusuar në mënyrë të veçantë në imazherinë e kafazit të krahërorit. Pavarësisht ndryshimeve që mund të vëreheshin në imazheri të mushkërive, kjo gjithmonë do duhej të plotësohej me simptomatologjinë e sëmundjes dhe ndryshimeve përkatëse në laborator para se të shkruhet terapia, sidomos kur ajo përmban një antibiotik. Ligjërata zgjoi kureshje që u pasua nga pyetjet dhe diskutimet e shumta.