QKMF fillon caktimin e vizitave përmes lidhjeve telefonike pa pagesë

QKMF e Prishtinës në shumicën e njësive të saj (15 QMF), tashmë ka filluar me sistemin e caktimit të vizitave, përmes lidhjeve telefonike pa pagesë, në secilën njësi.

Prandaj, qytetarët e Prishtinës tashmë kanë mundësi që të telefonojnë qendrën e mjekësisë familjare më të afërt, (aty ku rëndom i marrin shërbimet e kujdesit shëndetsorë) dhe të caktojnë vizitën mjekësore, tek mjeku i vet familjarë, në kohën e përshtatshme për të dytë.

Kjo jo vetëm që do të kursejë kohën e qytetarëve tanë, duke shkurtuar në minimum kohën e pritjes edhe ashtu të shkurtër, por gjithashtu do të mundësojë zgjatjen e kohës produktive të konsultimit me mjekun e vet. Aq më tepër, kjo është dobishme në këtë periudhë pandemie, kur rrjedha e qytetarëve duhet të rregullohet në çdo mënyrë, që të shmanget grumbullimi i pacientëve dhe të zvogëlohet në minimum kontakti i pacientëve të ndryshëm, me ata që potencialisht mund të jenë të infektuar me COVID 19.

Në kuadër të kësaj praktike të inicuar, QKMF-në sot e vizitojë edhe Drejtori i DKSh Dr. Bujar Gashi dhe u njohë për së afërmi me praktikën e shpërndarjes së fletpalosjeve të vogla me numrat përkatës të telefonit pa pagesë për secilën njësi.