Prezantim

Në mbledhjen e sotme (22 shkurt 2019) të Kolegjiumit profesional të QKMF-së në Prishtinë u prezantuan edhe të gjeturat kryesore të Studimit të mënyrës së jetesës së profesionistëve shëndetësorë të Kujdesit Parësor Shëndetësor të Komunës së Prishtinës. Të gjeturat kryesore nxorën në pah nevojën për ngritjen e motivimit të profesionistëve shëndetësor përmes organizimit më të mirë të aktiviteteve jashtë vendit të punës, përmirësimin e vazhdueshëm të punës ekipore dhe krijimin e kulturës së punës ekipore në funksion të ngritjes së vazhdueshme të cilësisë së shërbimeve të kujdesit të ofruar.

Qëllimi i studimit ishte vlerësimi i mënyrës së jetesës së profesionistëve shëndetësor dhe promovimi i shembujve të mirë si mundësi e edukimit përmes shembujve personal dhe imigjit të mjekut që zbaton fillimisht vet këshillat që iu jep klientëve të vet. Nga të gjeturat kryesore dolën korrelacione të rëndësishme që do të shërbejnë në të ardhmen për modelimin dhe përmirësimin e apekteve organizative dhe bihejviorale të punës.

Në fund të prezantimit, Dr. Rrezart Halili UD i ZvDrejtorit të QKMF-së, Dr. Sebahate Lleshi, Koordinatore për ZhVP, Dr. Nexhmedin Hoti, shef i njësisë së Shëndetësisë publike dhe vaksinimit në QKMF dhe Znj. Myrvete Sopi infermiere përgjegjëse e QKMF-së zgjodhën katër fitues të lojës shpërblyese nga pjesëmarrësit e këtij studimi.

Fituesit e lojës shpërblyese, Znj. Emine Vitia, Znj. Blerina Dema, Z, Sokol Pireva dhe Z. Muhamet Sadiku u shpërblyen nga QKMF me nga një libër.