Ndihma per Dr. Arbèrin

Njoftim për ndihmën e siguruar për kolegun tonë

Në përgjigje të nismës së kolegëve tanë për të ndihmuar mjekimin e kolegut tonë Dr. Arbër Ulaj, brenda kësaj javë nga personeli i QKMF-së me të gjitha njësitë e veta, u grumbulluan 4,734 (katërmijëeshtatqindetridhjetekatër) Euro dhe 20 (njëzet) dollarë.

Kjo shumë në emër të të gjithë kolegëve tanë, që pa hezitim dhe në këtë kohë të vështirë, kontribuan sipas mundësive të tyre, iu dorëzua sot me datë 06 nëntor 2020, Prof. Binak Ulaj - babait të Dr. Arbër Ulajt nga Drejtori i QKMF-së Dr. Rrezart Halili me bashkëpunëtorë.

Natyrshëm, doli falenderimi më i sinqertë nga të dy palët për të gjithë personelin e QKMF-së dhe secilin prej tyre veç e veç, për solidaritetin e treguar, jo për të parën herë me kolegët dhe njerëzit tanë. Ky solidaritet na mbushë shpresë se mirësia dhe mbarësia nuk na kanë braktisur dhe se Dr. Arbërin do ta kemi së shpejti mes nesh të shëndoshë, të urtë dhe të hareshëm në shoqëri dhe të palodhshëm e profesional në punë!

Shërim të shpejtë dhe të plotë për Dr. Arbërin dhe kurajo për familjen e tij të nderuar!