Me datën 23.03.2018 në mbledhjen e Kolegjiumit Profesional nga grupi punues u prezantua rezultatet e Raportit Mjekësor \"SistemiI Vizitave Mjekësore me Termin\" të të gjitha Qendrave të Mjekësisë Familjare në Komunën e Prishtinës.

Qëllimi kryesorë I Pilot Projektit \"Sistemi I Vizitave me Termin\" është aplikimi i  praktikave më të  mira të cilat e rrisin performancën në vendin e punës dhe siguronjne shërbime cilësore shëndetësore. Rezultatet e monitorimit në të gjitha qendrat ishin optimale, I gjithë procesi I vizitave mjekësore ishte i organizuar mirë dhe transparent dhe nën përcjelljen e  vazhdueshme të Shefave dhe Infermierëve përgjegjëse. Në disa qendra te Mjekësisë Familjare 60% deri në 70% te vizitave mjekësore ishin me termin kurse në qendrat të  cilat kanë një frekuentim më të madhë të pacientëve nga numri total I vizitave 50% e qytetetarëve  kishin të caktuar kohën e vizitës mjekësore. Si konsumatorët ashtu edhe ofruesit mbështetën idenë e futjes së sistemit të përzier, fleksibil, të sistemit të termineve dhe sistemit te vjetër.

Gjithashtu grupi punues dha rekomandimet në bazë te të gjeturave në teren dhe sygjerimeve të qytetarëve dhe ofrueseve të shërbimeve shëndetësore.