JAVA EVROPIANE E PREVENTIMIT TË KANCERIT TË QAFËS SË MITRËS

Kanceri i qafës së mitrës paraqet problem serioz shëndetësor. Çdo vit në Evrope  zbulohen  përafërsisht 60.000  raste të kësaj sëmundje.

Ajo çka është shqetësuese është se sëmundja shfaqet ne moshë të re dhe paraqet  kancerin e dytë më të shpeshtë tek femrat e moshës 15 – 44 vjeçe.

Është me rendësi të dihet se pothuajse çdo rast i kancerit te qafës se mitrës mund të parandalohet duke iu nënshtruar skrining  testeve. Programet mirë të organizuara të skriningut mund të parandalojnë deri në 80% të rasteve të kancerit të qafës së mitrës. Sot ekzistojnë edhe vaksina kundër infeksioneve të shkaktuara nga  human papiloma viruset (HPV ) i cili është përgjegjës  kryesor për paraqitjen e kancerit të mitrës.

19 – 25 Janar shënohet ” Java Evropiane e Preventivës  të Kancerit të Qafës së Mitrës  “ , me qëllim të ngritjës se vetëdijes dhe informimit më të mirë për kancerin e qafës së mitrës dhe parandalimit të saj. Gjatë kësaj jave në shumicën e vendeve evropiane mbahen aktivitete të ndryshme me qëllimin e përbashkët që të promovojnë  rëndësin e zvogëlimit të paraqitjës së sëmundjes dhe vdekshmërinë  nga kjo sëmundje.

Komiteti për promovim të shëndetit ne kuadër të  QKMF në vazhdën e aktivitetit të tyre  ketë javë ua ka dedikuar grave te zonave periferike të Komunës së Prishtinës, duke organizuar takime në Qendrat e Mjekësisë Familjare në fshatin Shkabaj dhe Hajvali dhe Ambulancat e Mjekësisë Familjare.

Në këto takime me biseda interaktive në mes të grave dhe personelit shëndetësore janë dhëne informata dhe janë sensibilizuar gratë  për rëndësin e kujdesit  për shëndetin e tyre , duke ua sqaruar domosdoshmërinë e nënshtrimit të skrining testeve  dhe dobishmëri që kanë ato për mbrojtje nga kanceri i qafës se mitrës, sqarimit të mbrojtjës nga faktorët e rrezikut dhe shumë tema të ndërlidhura me shëndetin reproduktiv.

Profesionistët  shëndetësore të QKMF gjatë kësaj jave kanë organizuar takime edhe në organizata punuese ku dominon gjinia femërore,  çerdhet e kryeqytetit dhe ketë javë do vizitohen edhe dy prej bankave që operojnë në kryeqytet.