HULUMTIMI MBI KËNAQSHMËRINE E PACIENTEVE

Në takimin e Këshillit Profesional  të QKMF- së ,ku ishte present edhe Drejtori i DSHMS - se Dr Arben Vitia u prezantuan dhe  u diskutuan rezultatet e hulumtimit "Kënaqshmëria e pacientëve në Qendrat e Mjekësisë Familjare të Komunës së Prishtinës"- Cikli i dyte. Ky është  njëri nga  aktivitetet  e realizuara nga Komitetit për Sigurimin e Cilësisë së Shërbimeve Shëndetësore  për vitin 2016 në përbërje të: Dr. Vjollca Zeqir, Dr.Florije Ibrahimi - Hyseni dhe  Inf. Nexhmie Ajvazi dhe Inf. Gjyle Mexhuani.

Matja e kënaqëshmërisë së pacientit është një formë e rëndësishme e vlerësimit të cilësisë së shërbimeve shëndetësore. Pacientët kanë një rol legjitim dhe të rëndësishëm si vlerësues të  kujdesit shëndetësor. Marrja e reagimeve nga pacientët për cilësinë e kujdesit shëndetësor parësor është një mënyrë e fuqishme për të zhvilluar një sistem të ofrimit të kujdesit shëndetësor  me fokusim të pacientit në qendër, duke mundësuar që të ndëgjohet zëri i pacientëve për nevojat e tyre specifike për përmisimin e vazhdueshem të cilësis dhe sigurisë  së shërbimeve shëndetësore.

Është mjaft e fuqishme për të parë saktësisht se çfarë disa nga pacientët tonë janë duke thënë për   kujdesin shëndetësor parësor që ofrohet në Qendrat e Mjekësis Familjare ne komunen e Prishtines.

Objektivi i hulumtimit ka qene marrja e pikëpamjeve të pacientëve lidhur me aspektet të ndryshme të cilësisë së shërbimeve shëndetësore që ofrohen nëpër Qendra të Mjekësisë Familjare të komunës së Prishtinës.

Qëllimi i hulumtimit është identifikimi i nevojave për përmirësimin e cilësisë së kujdesit mjekësor duke matur ose vlerësuar pikëpamjet e pacientëve në aspekte të ndryshme lidhur me cilësinë e shërbimeve shëndetësore që ofrohen në të gjitha QMF-të e komunës së Prishtinës.

 Kënaqshmëria e pacientëve në Qendrat e Mjekësisë Familjare të Komunës së Prishtinës