DITA BOTËRORE E ZEMRËS

Dita Botërore e Zemrës shënohet në nivel global më 29 shtator,dhe ka për qëllim ndërgjegjësimin për parandalimin e sëmundjeve kardiovaskulare dhe rëndësinë e kujdesit për shëndetin ndaj zemrës dhe shëndetit kardiovaskular.

Profesionistët e KPSH-së të komunës së Prishtinës sot zhvilluan aktivitet edukativo-shëndetësor në sheshin “Zahir Pajaziti” ku të pranishëm ishin Kryetari i komunës së Prishtinës z.Përparim Rama, drejtori i DSH-së Dr. Izet Sadiku, menaxhmenti i QKMF-së, me ç\'rast një numri të madhë të qytetarëve iu bë matja e tensionit arterial, parametrave vital, matja e glikemisë si dhe u shpërndanë materiale edukativo-shëndetësore. Gjatë aktivitetit qytetarët u informuan dhe këshilluan për faktorët që ndikojnë në paraqitjen e sëmundjeve të zemrës, për masat parandaluese që zvogëlojnë rrezikun nga këto sëmundje si dhe promovimin e stilit të jetesës së shëndetshme.

Me një stil jetese të shëndetshme përmes aktivitetit të rregullt fizik, ushqimit të shëndetshëm dhe të balancuar, pirje të mjaftueshme të ujit çdo ditë, mos konsumimit të duhanit e alkoolit, menaxhimit të stresit, ju do ta ruani shëndetin e zemrës me dashuri e kujdes.

Kujdesi për zemrën është investimi më i mirë për veten dhe ata që duam.

Vizitoni rregullisht mjekun familjar, kontrolloni shtypjen e gjakut, nivelin e sheqerit dhe yndyrave në gjak për një zemër të shëndetshme dhe jetë më të gjatë.
Duke u kujdesur për zemrën, kujdesesh për jetën sepse zemra e shëndetshme sjell jetë të gjatë!

Aktivitetet tona janë përkrahur edhe nga korporata ujë Rugove!