DITA BOTËRORE E SHËNDETIT ORAL

Fillimisht Federata Dentare Botërore (FDI) në Kongresin Botëror Dentar(AWDC ) të mbajtur në vitin 2007 në Dubai vendosi datën 12 shtator si Dita Botërore e Shëndetit Oral e cila vazhdoj deri në vitin 2012. Në vitin 2014 u ndryshua data dhe u caktua 20 marsi dhe që nga kjo kohë çdo vit mbahen aktivitete të ndryshme me këtë datë. Kjo ditë synon të rrisë ndërgiegjësimin si dhe të tregojë rëndesinë e madhe që ka shëndeti oral në shëndetin e përgjithshem dhe mirëqenien. Higjena orale e mire, përdorimi i ushqimeve të shëndetëshme, vizitat e regullta te dentisti i parandalonë sëmundjet e dhembit dhe gojës njëkohesisht i paraprijnë një shëndeti të mirë të përgjithshëm. Sot me 20 mars 2024 në Ditën Botërore të Shëndetit Oral u mbajtën aktivitete të organizuara nga Shërbimi Stomatologjik QKMF Prishtinë në mbështetje të Drejtoratit të Shëndetësisë së Komunës së Prishtinës.

Aktivitet u zhvilluan në institucionet shkollore me klaset e para në:

• SHFMU "Dardania"
• SHFMU "Iliria"
• SHFMU "Mitrush Kuteli"
• SHFMU " Shkolla e Gjelber"
  
• Në QMF-10 me nxënësit e SHFMU” Gjergj Fishta”. 

U përzgjodhën këto kategori të nxënësve, sepse motoja është "më mirë parandalo sesa shëro". Në këto institucione u mbajtën ligjërata, u shpërndanë broshura dhe u bënë vizita për të përçuar mesazhin tek fëmijet dhe nxënësit për rëndësinë e ruajtjes së shëndetit oral . E gjithë kjo që të parandalohen sëmundjet e dhëmbit dhe gojes. U bënë demostrime për mënyrën e pastrimit të dhëmbëve. Kjo ditë do të shërbejë edhe për ne si profesionistë të shëndetit oral të angazhohemi rregullisht për informim mbi rëndësinë e shëndetit oral në institucionet parashkollore dhe shkollore.