Diazepami dhe Konvulzionet Febrile

Me date 29 nëntor 2023 në ambietet e QKMF Prishtinë, në kuadër të Zhvillimit të Vazhdueshëm Profesional, u mbajt ligjërata \"Diazepami dhe Konvulzionet Febrile” nga Dr. Besarta Azizi, specializante e mjekësisë familjare. Morën pjesë gjithësejt 50 profesionistë shëndetësorë: specialistë të mjekësisë familjare dhe të lëmive të tjera. Dr. Besarta foli për rendësinë e menaxhimin e kujdesshëm të konvulzioneve febrile, pasi që paraqitja e tyre është shumë dramatike dhe shqetësuese për prindët. Sidoqoftë, Dr. Besarta parashtroi dy sitatata të ndryshme: konvulzionet e thjeshta – që mund të kalojnë në mënyrë spontante, vetëm me uljen e temperatureës dhe konvulzione komplekse që kërkojnë një trajtim më intensiv, si dhe referim në Kujdesin Sekondar. Rekomandimet që dolën nga kjo ligjëratë ishin: 1. Në rast të konvulzioneve të thjeshta febrile, krej çka duhet të bëhet është ulja e temperatures, pasi që këto lloj konvulzionesh zgjasin shkurt dhe kalojnë në mënyrë spontane; 2. Nuk rekomandohet që prindi vetë të administrojë dhënien e Diazapamit, për shkak të efekteve anësore të rënda, sidomos deprimimi i frymëmarrjes dhe 3. Asnjëherë nuk duhet dhënë Diazepam për prevencë të Konvulzioneve Febrile, pasi që kjo, jo vetëm që nuk i parandalon ato, por edhe rrezikon shëndetin e fëmijës.