ASTMA BRONKIALE

Ligjërata: Astma Bronkiale Ligjërues: Dr. Bajram Abdullahu, specialist i alergologjisë. Me datë 21 shkurt 2023 në ambientet e QKMF-së Prishtinë, në kuadër të Zhvillimit të Vazhdueshëm Profesional u mbaj ligjerata me temën ASTMA BRONKIALE ku morrën pjesë 42 profesionistë shëndetësorë: specialistë të mjekësisë familjare dhe të lëmive të tjera.

U bisedua për rendësinë e vënies së diagnozës së astmës, diagnozë e munguar tek ne. Nëse i referohemi të dhënave në botë, ato flasin për një prezencë të dukshme të astmës. Për sa I përket Kosovës, këto të dhëna mungojnë fare, qoftë edhe për shkak të hezitimit të profesionistëve shëndetësorë që ta shkruajnë këtë diagnozë, qoftë për shkak të rezistencës që bëjnë pacientët, pasi që ka shumë stigma lidhur me këtë sëmundje. Përndryshe, Dr. Bajrami theksoi rendësinë e menaxhimit të astmës në Mjekësinë Familjare, posaqërisht stadet e para të trajtimit. Trajtimi bëhet kryesisht me përdorimin e pompave, të cilat janë të lehta për t’u përdorur dhe nuk kanë shumë efekte anësore, krahasuar me kortikosteroidet sistemikë. Ligjërata e Dr. Bajramit ka zgjuar interes dhe ka pasur mjaft interaksion sidomos për përdorimin e pompave qoftë te fëmijët, qoftë te të rriturit.