Cilat mund të jenë gabimet e prindërve për gjumin e natës së foshnjave?

Të gjithë duan që fëmijët e tyre të flenë mirë dhe sigurt gjatë gjithë natës. Sado që jeni munduar, disa fëmijë disi duket sikur refuzojnë. Pse? Ndoshta jeni ju fajtor. Shikoni se çfarë këshillojnë ekspertët.

1. Pritni që foshnja të flejë gjithë natën
Ky është gabimi i madh i pakuptueshëm. Të rriturit mund  të flenë si bebe, por bebja nuk mund  të flejë si një i rritur. Derisa foshnja nuk e kalon nga java e 8-të deri në të 12-të, mos e prisni këtë nga ai/ajo.

2. Keni shtrat, krahët e të cilit mund të lëshohen
Nga viti 2011, një standard i ri këshillon që mbështjellësit e krevatit të mos mund të lëshohen, por shumica e prindërve këtë nuk e kuptojnë. Shtretërit e tillë janë vlerësuar si të pasigurt.

3. Nuk e ndiqni rutinën e vënies në gjumë
Kur është fjala për një të posalindur, duhet të jeni të kujdesshëm me orarin e gjumit. Sado që duket e thjeshtë, vazhdimësia e rutinës është kyqe që fëmija të mësohet të flejë. Ndërtoni një plan, i cili u përgjigjet dhe i përmbahuni atij plani çdo mbrëmje.


 
4. E vendosni foshnjën me  shishe në shtrat
Nëse  e kanë bërë prindërit tuaj, nuk do të thotë se është gjë e mirë. Ju duhet të shmangni varësinë e  ushqimit, ashtu që fëmija të mund të futet në gjumë vetvetiu. Përveç kësaj, ju nuk dëshironi që fëmija të ushqehet gjatë gjithë natës. Jo vetëm që rrezikoni zhvillimin e kariesit, por edhe mundësinë e zënies së frymës. Sipas ekspertëve, fëmijëve rrallë u duhet ushqim i natës pas muajit të nëntë.

5. Fëmijën mbi tre muaj e lejoni të flejë para se ta vendosni në shtrat
Duket e  këndshme ta mbani dhe përqafoni fëmijën para se ta vendosni në shtrat, por fëmijën duhet ta vendosni në shtrat para se ta marrë gjumi. Mund të jetë jetë përgjumshëm, por duhet të jetë zgjuar. Nëse fle në rrethana të cilat nuk e rrethojnë edhe në momentin kur të zgjohet natën, nuk do të jetë në gjendje të flejë sërish vet.

6. I vendosni lodra ose batanije në shtrat
Shmangni këto gjëra derisa foshnja juaj nuk mbush të paktën gjashtë muaj. Ju dëshironi të krijoni një rreth më të sigurt, por ideale është që fëmija të fle në shpinë, në thesin e fjetjes, pa gjëra të panevojshme përreth .

7. Lejoni fëmijën të fle në ulësen e  veturës
Shumica e  foshnjave do të flenë derisa drejtoni veturën, por kjo mund të jetë problem,pasi ata nuk kanë kontroll në qafën e tyre dhe mund të ndodhë që koka të bie përpara dhe t'i mbështetet në gjoks që vështirëson frymëmarrjen.

8. Elejoni të lodhet para se ta vendosni për gjumë
Disa fëmijë nuk tregojnë shenja të lodhjes duke hapur gojën, por tërbohen dhe bëhen hipeaktivë. Mësoni shenjat të cilat fëmija juaj ua tregon dhe vendoseni në shtrat para se fëmija të lodhet, pasi fëmija i lodhur do flejë më vështirë.


 
9. I dëgjoni shumë të tjerët
Ndjeheni të rraskapitur ? Ndoshta arsyeja është se i dëgjoni të tjerët së tepërmi, në vend se të dëgjoni intuitën tuaj. Ndaloni të dëgjoni këshillat e  gjyshes e gjyshit, të cilët tregojnë se çfarë të bëni. Ndaloni së dëgjuari mikeshat tuaja, të cilat thonë se fëmijët e tyre flenë gjithë natën, nga dita e parë. Përderisa fëmija juaj është ishëndetshëm, kjodo të thotë se bëni gjënë e duhur. Secili fëmijë është i veçantë, ndërsa ju jeni personi që më së miri e dini se çfarë i duhet fëmijës suaj.