Promovimi i Informatorit për Hapat e Ekzaminimit të Gjirit për Gratë e Kryeqytetit

Në kuadër të Muajit Rozë, muajit të ndërgjegjësimit ndaj kancerit të gjirit, Drejtoria e Shëndetësisë e Komunës së Prishtinës në bashkëpunimin me organizatën Action for Mothers and Children (AMC), SHSKUK, QKUK- Klinikën e Kirurgjisë Torakale dhe Klinikën e Onkologjisë prezentojnë për herë të parë informatorin për ekzaminimin e gjirit për gratë e Kryeqytetit.

Në lansimin zyrtarë të Informatorit në ambientet e QKMF-së morrën pjesë Kryetari i Komunës së Prishtinës, z. Përparim Rama, drejtori i DSH-së Dr.Izet Sadiku, drejtori i klinikës së Onkologjisë Dr.Ilir Kurtishi, drejtore ekzekutive e AMC-së znj. Rina Demiri Spahija, drejtoresha e Shoqatës “Jeta Vita” znj. Nafije Latifi, znj. Violeta Pirana nga OJQ ”Renesanca”, menaxhmenti i QKMF-së dhe pjesëmarrës të tjerë.

Kryetari i Prishtinës z. Përparim Rama theksoi për rëndësinë e këtij udhërrëfyesi për parandalim, informim dhe mbështje për çdo grua poashtu theksoi për Investimin e mamografëve të rinjë në Kryeqytet dhe rritjen e numrit të mamografive duke ofruar shërbime falas.

Informatori ofron udhëzime se si të kryhet ekzaminimi i gjirit si dhe të orientoi gratë për rëndësinë e kontrollit të rregullt të gjirit dhe qasjes së hershme në shërbime shëndetësore.

Qëllimi i këtij udhëzuesi është të rris ndërgjegjësimin për këtë sëmundje dhe të informojë gratë drejt zbulimit të hershëm që shpëton jetë.