KUJDESI NGA TEMPERATURAT E LARTA

Në sheshin “Nënë Tereza” pranë Ministrisë së Kulturës Rinisë dhe Sportit, është vendosur tenda për promovim shëndetësor nga ora 8:00–13:00. Për shkak të temperaturave të larta ekipet shëndetësore të KPSH të Kryeqytetit të përbërë nga mjeku familjar dhe infermierët stazher, kanë filluar me shërbime si matje tensioni, matje e parametrave vitale, këshilla mjekësore për qytetarët tanë për mbrojtjen nga të nxehtit dhe temperaturat e larta që këtyre ditëve e kanë kapluar vendin tonë. Valët e të nxehtit që po dominojnë këtyre ditëve mund të ndikojnë negativisht në organizmin tonë dhe sidomos grupet më të rrezikuara prej temperaturave të larta janë: të moshuarit, gratë shtatëzëna, foshnjat, femijët e vegjël, individët të cilët vuajnë nga sëmundje të ndryshme kronike si: sëmundjet kardiovaskulare, diabeti, sëmundjet e mushkërive, sëmundjet e veshkave, sëmundjet mendore etj. Ndikimi i temperaturave të larta në trupin tonë shfaqet me këto shenja: ngërçe të muskujve, puls i shpejtë ose i dobët, vjellje, djersitje, ethe, dhimbje koke, lëkura e nxehtë dhe thatë, marramendje, urinë me ngjyrë të errët etj. Të nderuar qytetarë mundohuni të mos dilni nga shtëpia në oret e nxehta të ditës, 10:00-17:00, Këshilla: Qëndroni të hidratuar, është e rëndësishme të pini uje 2-3 litra në ditë edhe nese nuk keni etje, vishuni me veshje të lehtë, me ngjyrë të qeltë, bëni dush ose banjë të freskët, kur dilni nga shtëpia mbuloni kokën me kapelë ose çader dhe vëni syze dielli, aktivitetet fizike i bëni në orët e hershme të mëngjesit. Gjatë aktivitetit janë shpërndarë materiale edukative shëndetësore.