Java e Diabetit
Aktivitetet e realizuara gjatë Javës së Diabetit
Në kuadër të shënimit të Ditës Botërore të Diabetit me moton “Diabeti në të gjitha etapat e jetës”, DSH e Kryeqytetit në bashkëpunim me menaxhmentin e QKMF-së organizuan gjatë Javës së Diabetit një sërë aktivitetesh vetëdijësuese me qëllim të rritjes së ndërgjegjësimit të qytetarëve për këtë sëmundje kronike jo-ngjitëse.
Profesionistët shëndetësor mjekët dhe infermierët familjarë në qendrat e KPSH-së organizuan aktivitete vetëdijësuese dhe ligjërata edukativo-shëndetësore për pacientët dhe komunitetin lidhur me rëndësinë e parandalimit, zbulimit të hershëm dhe kujdesit ndaj sëmundjes së diabetit.
Aktivitetet edukativo-shëndetësore vazhduan me organizimin e ligjëratave: Këmba diabetike-Parandalimi, klasifikimi, diagnostikimi dhe menaxhimi multidisiplinar në ambientet e QKMF-së me profesionistët shëndetësor nga Klinika e Endokrinologjisë ku të pranishëm ishin drejtori i DSH-së Dr.Izet Sadiku, drejtori i QKMF-së Dr.Valdet Hashani, menaxhmenti i QKMF-së, profesionistët shëndetësor mjekë dhe infermierë familjarë nga të gjitha QMF-të e Komunës së Prishtinës.
Poashtu profesionistët e KPSH-së zhvilluan aktivitet edukativo-shëndetësor në sheshin “Zahir Pajaziti” në Kryeqytet, ku të pranishëm ishin drejtori i DSH-së Dr.Izet Sadiku, menaxhmenti i QKMF-së, pjesëmarrës të tjerë. Gjatë aktivitetit një numri të madhë të qytetarëve iu bë matja e glikemisë, tensionit arterial, parametrave vital si dhe iu shpërndanë materiale edukativo-shëndetësore.
Fushata Java e Diabetit vazhdoi me organizimin e aktivitetit edukativo-shëndetësor Karvani Shëndetësor ”përSHËNDETje” në qendrën tregtare në Albi Mall me profesionistët e KPSH-së në bashkëpunim me AQH-në, poashtu gjatë aktivitetit një numri të madhë të qytetarëve iu bë matja e glikemisë, tensionit arterial, parametrave vital si dhe iu shpërndanë materiale edukativo-shëndetësore.
Aktivitetet vazhduan në ambientet e QKMF-së në “Këshillimore”, përkatësisht në Dhomat për Edukim dhe Promovim Shëndetësor, profesionistët shëndetësor nga Klinika e Endokrinologjisë dhe mjeku familjar organizuan ligjërata edukativo-shëndetësore për pacientët dhe komunitetin për sëmundjen e Diabetit lidhur me rëndësinë e kontrollave të rregullta, informimin, këshillimin për këtë sëmundje jo-ngjitëse.Në këtë aktivitet edukativo-shëndetësor të pranishëm ishin menaxhmenti i QKMF-së dhe profesionistët shëndetësor.
Së bashku mund të promovojmë ndërgjegjësimin për parandalimin e diabetit, të forcojmë kujdesin ndaj shëndetit tonë dhe të kontribuojmë për një të ardhme më të shëndetshme për të gjithë.