HIPOTIROIDIZMI

Rishqyrtimi Kolegial “Hipotiroidizmi”

Në kuadër të ZHVP, në QKMF Prishtinë gjatë muajtit nëntor u mbajtën dy prezantime profesionale me temën “Rishqyrtimi Kolegial: Hipotiroidizmi”, i udhëhequr nga Dr. Vjollca Zeqiri, Specialiste e Mjekësisë Familjare.

Prezantimi u bazua në një seri studim-rastesh të pacientëve me hipotiroidizëm, të cilët janë diagnostikuar dhe menaxhuar përmes anamnezës së detajuar, ekzaminimit fizik, analizave laboratorike te hormoneve TSH, FT3 dhe FT4 dhe ultratingullit i cili poashtu behet nga mjeket familjar. Të gjithë pacientët janë në trajtim me Levothyroxine dhe po monitorohen në mënyrë të rregullt.

Diskutimi profesional i këtij sesioni theksoi qartë mesazhin kyç: menaxhimi i hipotiroidizmit duhet të kryhet nga mjekët e kujdesit parësor, në përputhje me rolin e tyre thelbësor në diagnostikimin dhe trajtimin afatgjatë. Referimi te endokrinologu bëhet vetëm në raste të përcaktuara qartë nga Shoqata e Endokrinologëve si pacientët nën 18 vjeç, grat shtatzëna, pacientët me noduse tiroide, apo raste që nuk reagojnë në terapi.

Ky rishqyrtim kolegial shërbeu si një shembull i rëndësishëm i praktikës së mirë klinike dhe i forcimit të rolit të kujdesit parësor në menaxhimin e sëmundjeve kronike, duke siguruar trajtim cilësor dhe të bazuar në evidencë për qytetarët e Prishtinës.